Election d’un chancelier de France (1373)

« L’an mil trois cens soixante et treze, le dimanche xx e de novembre, le roy nostre sire tint son grant et general Conseil au Louvre, de Prelats, de princes de son lignage, barons et autres nobles, des seigneurs de Parlement, des requestres de son Hostel, des Comptes, et autres conseillers jusque au nombre de six vingt et dix personnes ou environ, pour eslire chancelier de France…, et en general tout haut dit le roy nostre sire devant tous ceulx qui la estoient, tant du Conseil comme autres, que pour ceste cause avoit il faict assembler son dit Conseil, et puis fit tous aller dehors; et après, par voye de scrutin, fit chascun de son Conseil venir a luy et par serment jurer aux saincts Evangiles de Dieu que tous touchèrent , prelats et autres, luy nommer et conseiller selon leur advis et eslire la plus souffisante personne qu’ilz sçauroient nommer, fust d’Eglise ou aultre, pour estre chancelier de France. Et furent les noms et les dépositions de tous escripts par moy, Nicolas de Villemer, a ce ordonné par le roy, en sa presence.
Lire la suite… »

Don royal d’une seigneurie à Bérenger d’Auriac (février 1336)

« Philippe, par la grâce de Dieu, Roys de France.

Savoir faisons à touz, présens et avenir, que comme selon ce que nous avons entendu au terrouer de Saint-Brancat en la sénéchaussée de Carcassonne, Bernart d’Auriac, escuier, ait la moitié des tasques et nous y avons l’autre moitié du ban et en certaine partie dudit terrouer la moitié des tasques avec la haute et basse justice pour le tout et n’a au dit terrouer villes, ne maisons que une , ne populacion de genz ,et pour valoir icellui terrouer avecques ladite moitié du ban et des tasques et touz émolumens et proufiz que nous y avons pour cause de la haute et basse justice, environ sept livres tournoys de rente par an. Et tient icellui terrouer au terme de Laucata, de La Pamme, de Treilles et à la terre de Rochefort.

Lire la suite… »